اكتر حاجه توجعك
دمعة فراق من عين الحبيب
وانك تبيع حبة مشاعر
وانك تضيع جواك مشاعر
وانك تسافر
وانت تهاجر
ولماحبوا يسالوك
علقت فشلك عالنصيب
اكتر حاجه توجعك
لحظة ماتمسك القلم
احلي حروفك تتكتب
لما تنزل دمعتك
هربانه من وجع الالم
اكتر حاجه توجعك
لحظه خيانه
لحظه غرام مسروقه ديما
كل ماتيجي تحسها
تحس باهانه
وبامانه
اكتر حاجه توجعك
لما يخونك اقرب حبيب
لما اللي منك يجرحك
هو طول مافينا روح
روحنا لازم تتوجع
اصل الوجع
لما الصديق في يوم يبيع
صاحبه الجدع
لما تزعل يوصفولك ضرب الودع
ماهي اكتر حاجه توجعك
لما تدفن جواك شعور
هناك طلعوا علي القمر
وانت يادوب لسه بتبتدي
لسه عمال توشوش الودع
هي خيبه
لا والله دي هي طيبه
لاهي خيبة ولا هي عيبه
انك تنزل دمعتك
ساعة ماتحس بالوجع
الخلاصه وباختصار
زي مافيها جنه
فيها نار
وزي مافيها هجر
فيها صبر
مهما طال الانتظار
مش هتعيش عمرك في ليل
كل ليل اخره نهار
وباختصار
لما حاجه توجعك
اكتب مشاعرك عالورق
حاول ترجع اللي فات
واللي باقي
واللي منك في يوم اتسرق
اكتر حاجه توجعك
تتوجع
ماتلاقي مين يفهمك
يترجمك
ماتلاقي حبيب يسمعك
احمدعبدالحق
3/3/2020
No comments:
Post a Comment