فكك مني
-------------
ما فيش تفاصيل
ولا كلام على جراحي.
لو التحاليل
تقول إن إنتي مفتاحي
هعيش مقفول
أكيد أكرم ماعيش معلول
واتألم وأنا صاحي
وقلبي اتهد كام مرة
وضاعت مني أفراحي
وعشت عليل
وشوفت معاكي سنين مُرّة
يا رب بس ترتاحي
تروحي بعيد وتنسيني
وتنسي وجعي في الأيام
وأنا لو شفتك هغمض عيني
وهصحى لو حتى في الأحلام
دا حتى سِرتك بتوجعني
وبتضيع طعم أفراحي
وصورتك كانت بتخدعني
وهي الأصل في جراحي
ولو كل الدنيا بتسمعني
هعلّي الصوت وأقولها وداع
تعبت وقلبي زهق مني
كفاية خداع
يا ستي فُكك بقى مني
بلاش أوجاع
خلعت القلب من جسمي
وقلبي اتباع
وهغير حروف اسمي
وهبقى شجاع
وهنسى كل اللي كان بينا
يا حلم وضاع.
..............
---بقلم -- محمود فرج---
No comments:
Post a Comment