بقلمى يوسف ونيس مجلع --- ايطاليا بريشيا
اصدقائى الاحباء من الشعر الغنائى كلمة بالعامية بعنوان - اخر الليل -
اخر الليل وانا سارح ------------ جى النوم يداعبنى
كنت فين من امبارح ------------ وانا التسهيد غالبنى
والجفا ظنون جوارح ----------- تاخذنى بعيد وتجبنى
ولهيب ملك الجوارح ------------ يقيد ويذيد ويعذبنى
--------------------------------------------------
يانوم روح للى هنياله ------- اللى نادى حبيبه وجاله
او اللى فى حبه راق باله -- او اللى قلبه كده فى حاله
او لعيون ماشافتش جماله - اوجفون ما حلمتش وصاله
اما اللى سارح دوم بخياله ----- مالك انت يانوم وماله
--------------------------------------------------
عدى النوم تانى ----------------- باحلامك يراودنى
لقى فى احضانى ------------------- طيفك حاضنى
بكل عطفه الحانى ------------------ حنانه ضاممنى
يانوم روح انسانى ------------------ امانة ما تنيمنى
--------------------------------------------------
طيفه بيحلفلى ويحلفنى ---------- لا اسيبه ولا يسبنى
غرام فى عينيه ندهلى -------- وتاه فى عنيا و توهنى
اهمسله يميل ويسمعنى ------- وهمسه الجميل يميلنى
اشواقه مواويل سمعنى -------- و داب ياليل و دوبنى
---------------------------------------------------
سعيد ساعادته يسعدنى -------- بحبه و حياته عاهدنى
باغلى الامانى واعدنى ------- باحلى الاغانى غازلنى
الاغيه الاقيه مهاودنى ----- شاريه و فى عينيه شايلنى
وفى عز هواه مابيطمنى --------- ابص القاه راح منى
--------------------------------------------------
ويجى النهار زى ما هوه ----- و بنفس النار اللى جوه
وتروح من صبرى القوة ----- و الاقى مركبى فى نوة
اتمنى تفكر فيا وتتروى ------ تسيبنى لا حولا ولا قوة
فى بعدك روحى تتلوى ----- وعندك ياروحى هوه هوه
بقلمى يوسف ونيس مجلع --- مصر
No comments:
Post a Comment