سلام
*****
سلام يا دنيا
وألف شكر مني ليكي
إن كنتي بايعة
أنا عمري لحظة ما هشتشريكي
دايرالي ضهرك
وبشوف نجومك في عز ضهرك
والليل ضلام مالهوش اخر
كحلتي بيه رموش عيوني
ولا دمعي همك ولا حزني غمك
بالعكس ده انتي فرحي يغمك
ودمع قلبي عملتي بيه احمر شفايف
رسمتي بيه ضحكه تلالي فوق الشفايف
متشمته ومفرحه فيا كل العدا
يا دنيا ليه كل ده
ما شوفت قسوة بالشكل ده
تطاطي راسك لـ ده و ده
ومعايا ولا لحظة رضا
عملت ايه لكل ده
خلاص يا دنيا ومن غير وداع
ولا بكى على عمرى اللى ضاع
ما كله راح
ودمي ليكي بقى مستباح
وخسارة فيكي حتى النواح
ده حتى شهدك فى بقي علقم
وجروحي من شوكك ما تلئم
واللئوم طبعك والغدر فيكي
يا دنيا ظالمه
ان كنتي بايعه
انا مش شاريكي
وسلام يا دنيا
والف شكر مني ليكي
تامر ابوطالب
No comments:
Post a Comment