ناس ليها بخت وناس ملهاش
وع الأسفلت نفوس ببلاش
عيشتها قهر وكله طناش
تطلع روحها كأنه ما عاش
نكره يا عيني مع الأوباش
دافي وعيلته ومستكفاش
قال إيه يعني مواطن باش
جمد الدم وقف مجراش
غلبه البرد قهره وعاش
طلب الصدقه ورزقه مجاش
اكله أبو كرش مع الأكراش
هتشوفوا بكره وبكره مجاش
جرح الجرح وملقاش شاش
عاب ع العد وقال مجراش
هو بعيدنا خلاص مخزاش
خاد من تحت و مستناش
ويقول صبر شوف الأوباش
ما هو الأسفلت مجاش ببلاش
فرشناه زفت كأنه قماش
بلون الحزن لبخت مجاش
ناس ليها بخت وناس ملهاش
رب خلقنا ومبينساش
..........وائل سعيد.......
No comments:
Post a Comment