قوم يا ولدى خلاص عدينا
سيبنا الفقر سنين ومشينا
جابولنا سرير في الإستقبال
مفروش حلو وعال العال
حتى الحظ فى يوم لومال
نشيدنا الوطنى كفاية علينا
قوم ياولدى رد ونادى
وانتو كمان قولو ياولادى
بلادى بلادى بلادى بلادى
نشيدك بلسم راح يشفينا
وانت كمان ياحكيم الصحة
أوعى تقول الأدوية شحة
غنى وخلى في صوتك بحة
بنشيدنا الوطنى ياغالى اشجينا
وانتى ياست يا واقفه هناك
خدى تذكرتك من الشباك
واقفى وقولى يا وطنى هواك
من غير علاجات راح يداوينا
كله يقوم ويغنى ياوطنى
نشيدك هو علاجى وسكنى
ومن حرف نشيدك هغزل كفنى
دا نشيدك إنت هيعشينا
أوعى تقول أنا فى الإنعاش
أو ملفوف بقطن وشاش
يا أما تغنى يا أما بلاش
تيجى فى يوم تعيش وسطينا
بقلمى
مجدى زيادة.
No comments:
Post a Comment