🙏🙏🙏🙏🙏🙏.....رحتِي وتركتيني لحالي.....🙏🙏🙏🙏🙏🙏
لوين رحتي وتركتيني لحالي
انظم قصايد وغني ع موالي
عالقليلي اسألي بحالي شو صار
وعفراقك كيف اتغيرت احوالي
ع هجرك ما عرفت الليل من النهار
ورسمك دايما بشوفو قبالي
سألت القمر،خبرني دخيلك يا جار
قولك وين بهالفلا شارد غزالي
ونجوم السما تفتش بكل المدار
ودموعها تسيل وتتبع الاخبار
لوين رحتي يا زينة الاقمار
من بعدك فقدت مالي ورسمالي
من بعدك انطفى سراج الدار
وما عاد عندي بالدني حدا غالي
قلبي مجروح ومكتوي بالنار
يا ريتك كنت تظلي قبالي
ناطرك ولو بقي بعمري بس نهار
رح ترجعي وحياة حبك الغالي.
__بقلمي: يوسف محمود شحرور.
No comments:
Post a Comment